තරුණී අපෙන් ඔබට

ජනප්‍රියම කාන්තා පුවත්පත වන තරුණී පුවත්පත ලෝකයට ගෙනහැර දක්වන මනාලියන් දැක්මයි මේ. ඔබ මනාලියක් වන ජීවිතයේ සොඳුරුම අවස්ථාව අර්ථවත් කිරීම අපේ ප්‍රාර්ථනයයි. ඔබට සුබ මංගලම්!

විශේෂාංග

  • නත්තල් කෑම බීම රස විඳිමු
    නත්තල් කෑම බීම රස විඳිමු දැන් දැන් නත්තලටයි නව වසරටයි කවුරුත් සූදානම. මුළු පරිසරයම මීදුමෙන් පිරී ගිහින්. නත්තල උදාවෙනවා. මේ මිහිරි නත්තලේ මිහිර විඳින අතරේ ගෙදරට පැමිණෙන අමුත්තන්ට සංග්‍රහ කරන්න සෑම ගෘහණියක්ම හරිම උනන්දුයි.
    තවදුරටත් කියවන්න...
  • වර්ණ ගෙනෙන ගතිපැවතුම්
    වර්ණ ගෙනෙන ගතිපැවතුම් මේ ලෝකය නිර්මාණය වෙලා තියෙන්නෙ මෙතෙකැයි කියන්න බැරි තරම් නානාප්‍රකාර වර්ණයන්ගෙන්. සොබා දහමත් හරිම විසිතුරුයි. ඕනෑම අයකු යම්කිසි වර්ණයකට වඩාත්ම කැමැති වෙන්න පුළුවන්.
    තවදුරටත් කියවන්න...
  • ඔයාට කොලෙස්ටරෝල් ද?
    ඔයාට කොලෙස්ටරෝල් ද? හෘද රෝග කියන්නේ ජීවිතය අවධානමේ හෙළන්නකි. මේ සඳහා බොහෝවිට කොලෙස්ටරෝල් මට්ටම බලපෑම් කරන නිසා කොලෙස්ටරෝල් ඇති රෝගීන් එය පාලනය කරගැනීම කෙරෙහි වැඩි සැලකිල්ලක් දැක්විය යුතුය.
    තවදුරටත් කියවන්න...
  • ඔයාට කොලෙස්ටරෝල් ද?
    ඔයාට කොලෙස්ටරෝල් ද? හෘද රෝග කියන්නේ ජීවිතය අවධානමේ හෙළන්නකි. මේ සඳහා බොහෝවිට කොලෙස්ටරෝල් මට්ටම බලපෑම් කරන නිසා කොලෙස්ටරෝල් ඇති රෝගීන් එය පාලනය කරගැනීම කෙරෙහි වැඩි සැලකිල්ලක් දැක්විය යුතුය.
    තවදුරටත් කියවන්න...
  • නිවෙසේ වැඩ පහසු කරන රහස්
    නිවෙසේ වැඩ පහසු කරන රහස් නිවෙසෙහි වැඩි වැඩ කටයුතු ප්‍රමාණයක් ඉටු වන්නේ ගෘහණිය අතිනුයි. ඒ අතරින් මුළුතැන්ගෙයි විශේෂයි. ඉතිං ඒ කටයුතු ලෙහෙසි පහසු කරගන්න මේ කරුණු අත්වැලක් කර ගන්න ඔබටත් පුළුවන්.
    තවදුරටත් කියවන්න...
2018 දෙසැම්බර් 04, අඟහරුවාදා 13:48

ඔයාට කොලෙස්ටරෝල් ද? විශේෂාංග

ලිව්වේ  පාලිකා දිල්රුක්ෂි
අගයන්න
(0 මනාප)
හෘද රෝග කියන්නේ ජීවිතය අවධානමේ හෙළන්නකි. මේ සඳහා බොහෝවිට කොලෙස්ටරෝල් මට්ටම බලපෑම් කරන නිසා කොලෙස්ටරෝල් ඇති රෝගීන් එය පාලනය කරගැනීම කෙරෙහි වැඩි සැලකිල්ලක් දැක්විය යුතුය.

 

මේ සඳහා විශේෂයෙන්ම ආහාර ගැන හොඳ සැලකිල්ලක් දැක්වීම හා ව්‍යායාම කිරීම රෝගය උග්‍ර වීමෙන් අපව මුදවා ගනී. ඒ නිසාම කෑමට බීමට හිතකර දේ මෙන්ම අහිතකර දේ ගැන ද සැලකිලිමත් වීම වටී.

නිතරම හා වැඩිපුර කන්න

* එළවළු - බෝංචි, වම්බටු, බණ්ඩක්කා, නිවිති, කොහිල, මුරුංගා, තක්කාලි, මුරුංගා, කොහිල, ගෝවා, ලීක්ස්, පතෝල වැනි පිටි නැති එළවළු වර්ග සහ එළවළු සලාද

* ධාන්‍ය - ඕට්ස්, බාර්ලි, සෝයා බෝංචි සහ සෝයා නිෂ්පාදන, කව්පි, මුං ඇට, කඩල, පරිප්පු වැනි මාංස භෝග.

* මාළු - සැමන්, මතස්‍යයන් පොඩි, මාළු (හුරුල්ලා, සාලයා, හාල්මැස්සා ආදී),

* පලා - කංකුං, ගොටුකොළ, මුකුණුවැන්න වැනි පලා වර්ග ද

* පලතුරු - දොඩම්, ඇඹරැල්ලා, අඹ, දිවුල්, නෙල්ලි, ඇපල්, මිදි,

ස්ට්‍රෝබෙරි සහ අනෙකුත් බෙරි වර්ග, පැඟිරි පවුලේ පලතුරු, ගස්ලබු, පේර, බෙලි

* ගෙදර සාදාගත් තුනපහ

* ඇඹුල් සඳහා - ගොරකා, දෙහි

* රස ගැන්වීමට - කුරුඳු පොතු.

* පානයට - කුරුඳු පොතු කුඩුකර තේ මෙන් වත්කර සතියකට දිනක් දෙකක් බීම ද ගුණයි. සීනි රහිත තක්කාලි යුෂ, දෙහි යුෂ ආදී යුෂ වර්ග, සෝඩා වතුර, කොළ කැඳ, තැඹිලි, බෙලිමල්, රණවරා, එළවළු සුප්, යොදය රහිත කිරි සහ එම කිරිවලින් සාදන ආහාර (උදාහරණ ලෙස මේදය අඩු යෝගට්)

*කරපිංචා සහ සුදුලූනු සම්බෝලයක් මෙන් අඹරා දෙහි සහ ගම්මිරිස් කුඩු ස්වල්පයක් මිශ්‍රකර කෑමට ගැනීම ද ගුණදායකයි.

* හාල් පිටි, කුරක්කන් පිටි, උළුදු පිටිවලින් සාදන ලද ආහාර වර්ග

මේවත් හොඳයි. ඒත් වැඩිපුර එපා!

සතියකට හතර සැරයක් පමණ ලොකු මාළු සහ සම රහිත කුකුළු මස් කන්න. අඩුම තරමින් සතියකට දවස් දෙකක් හෝ වැඩි ගණනක් මාළු ආහාරයට ගන්න.

* අල, බතල, මඤ්ඤොක්කා වැනි පිටි සහිත ආහාර,

* පොල් තෙල්, සෝයා තෙල්, ඔලිව් තෙල්, සූරියකාන්ත තෙල්, ඉරි¼ගු තෙල්,

* ලුණු එකතු නොකළ ඇට වර්ග, බඩ ඉරිඟු,

* ආනමාලු, කෝලිකුට්ටු වැනි පලතුරු, කෝපි.

කන්නම එපා

* චීස්, බටර්, සත්ත්ව තෙල්, රතු පාට මස් (හරක් මස්, ඌරු මස්, බැටළු මස්) පීකුදු, සම සහිත කුකුළු මස් (කුකුළු මස් කන්නේ නම් සම රහිතව ස්වල්පයක් කෑම සුදුසුය)

* කෘත්‍රිම රසකාරක දැමූ ආහාර, කල්තබා ගැනීමට රසායන ද්‍රව්‍ය දැමූ ආහාර, සීනි, අයිස්ක්‍රීම්, ෆාම් තෙල්, කුකීස් වර්ග, පේස්ට්‍රි, ඩෝනට්, කේක්, ක්‍රැකර් වර්ග, බිස්කට් වර්ග, තෙලෙන් බැදපු කෑම වර්ග, තෙල් කෑම වර්ග, එළවළු තෙල්, ෆාස්ට් ෆුඩ්ස්, ටින් කළ බීම වර්ග හා කෑම ව

* පිටරටින් ගෙන්වන තෙල් වර්ග (කෘත්‍රිම තෙල් වර්ග), සොසේජස්, බේකන් වර්ග, බිත්තර කහ මදය සහ කහ මද යොදා සකසන කෑම වර්ග (උදාහරණ ලෙස මයෝනේස් සෝස්)

*ඉස්සන්, කකුළුවන්, පොකිරිස්සන්, එළඟිතෙල්, පීසා, සබ්මැරීන්, යෝගට්, පුඩිං වර්ග, වටලප්පන් ආදී හකුරු හා සීනි යොදා සකසන ආහාර, හකුරු යොදා සකසන අතුරුපස වර්ග

* බෝතල් කළ ලෙමනේඩ්, පැණි බීම හා බෙවරේජ් වර්ග, චොකලට්, ලුණු එකතු කරන ලද ඇට වර්ග, තෙලේ බදින අල පෙති, පේස්ට්‍රි, රෝල්ස්, පැටිස්, පාන්, සෝස්, ටින්වල ඇසුරූ හෝ වියළි මාළු (අධික ලුණු සහිත කරවල ආදිය), අධික ලුණු සහිත ආහාර වර්ග, අච්චාරු වර්ග, සුප් කැට, සුප් පැකට්

සංතෘප්ත මේදය අඩංගු ආහාර

(අහිතකර මේදය) කෑමට ගැනීම නුසුදුසුම ආහාර මේවා වේ. මෙම ආහාර කෑමට ගැනීමෙන් කොලෙස්ටරෝල් මට්ටම ඉහළ යයි.

අසංතෘප්ත මේදය අඩංගු ආහාර

(හිතකර මේදයකි) මේවා රුධිරයේ ඇති කොලෙස්ටරෝල් මට්ටම පහත දැමීමට උපකාරී වේ. වැඩිපුර කන්න යැයි සදහන් කළ ආහාර මේ වර්ගයට අයත්ය.

ට්‍රාන්ස් මේදය

මෙය ද රුධිරයේ කොලෙස්ටරෝල් මට්ටම වැඩිකරයි. සකසන ලද ආහාර, (සොසේජස් වැනි) කෙටි ආහාර (ෂෝට් ඊට්ස්) ක්ෂණික ආහාර, ඇතැම් මස් වර්ග, මාගරින්, කිරි ආහාර, පාන්, බනිස්, කේක්, බිස්කට් වැනි බේකරි කෑම.

* දියවන තන්තු සහිත එළවළු, පලතුරු, රනිල බෝග, කුරුට්ට සහිත ධාන්‍ය සහ එවැනි ධාන්‍යවලින් සකසන ලද ආහාර නිතර ආහාරයට ගන්න.

මෙම දියවන තන්තු මඟින් ආහාරයේ ඇති කොලෙස්ටරෝල් සිරුරට උරාගැනීම අඩුකරයි.

සාමාන්‍යයෙන් පුද්ගලයකුට තිබිය යුතු කොලෙස්ටරෝල් ප්‍රමාණයක් ඇත. එය දැනසිටීම කාටත් හොඳය.

රුධිරයේ කොලෙස්ටරෝල් අඩු වු විට රුධිරවාහීනීවල තැන්පත් වීම ද අඩු වේ. එම නිසා කොලෙස්ටරෝල් අඩු වන තරමට හොඳ ය. නිරෝගී තරුණ පුද්ගලයකුට තිබිය යුතු ප්‍රශස්ත කොලෙස්ටරෝල් මට්ටම පහත දැක්වේ

 

LDL< 130 mg/dL

HDL> 45 mg/dL

Triglycrides < 150 mg/dL

Total Chorelrol < 230 mg/dL

 

වයසක අයට සහ ව්‍යායාම මදි අයට හෝ වෙනත් රෝගී තත්ත්වයක් ඇති අයට , ඉහත අගයන්ට වඩා අඩු කොලෙස්ටරෝල් ඉලක්කයන් පවත්වා ගැනීමට වෛද්‍යවරු උපදෙස් දෙති .

 

අන්තර්ජාලයෙන් හා වෛද්‍ය පොතපත ඇසුරිනි

 

 

 

 

කොලෙස්ට‍රෝල් අඩු කර ගන්නේ කොහොමද?

කොලෙස්ටරෝල් අධික ආහාරවලින් වැළකීමෙන් සහ ව්‍යායාම මඟින් තරමක් දුරට කොලෙස්ටරෝල් අඩු කර ගත හැකියි. නමුත් බොහෝ විට ඒ සඳහා ඖෂධ ගැනීම අවශ්‍ය වේ. ව්‍යායාමවලින් සිදු වන වැදගත්ම යෙ නම් කොලෙස්ටරෝල් තැන්පත් වීම අඩු වීම ය.

 

 

කොලෙස්ටරෝල් මට්ටම දැන ගන්නේ කොහොමද?

කොලෙස්ටරෝල් මට්ටම අනුව ශරීරයේ කිසිදු රෝග ලක්ෂණයක් ඇති නොවේ. එම නිසා රුධිර පරීක්ෂාවෙන් පමණක් කොලෙස්ටරෝල් මට්ටම නිශ්චිත වශයෙන් දැක ගත හැකියි.

421 වාරයක් කියවා ඇත අවසන් වරට සංස්කරණය කළේ 2018 දෙසැම්බර් 04, අඟහරුවාදා 13:49
අදහස් එක් කිරීමට ලොග් වෙන්න