ගැඹුරු බැල්මක් මවෙත හෙලළා
පරිගණකයට දෑස යොමු කොට
පාඩුවේ වැඩ කරන මුත් ඔබ
මගේ හිත චංචලයි හරියට...
ලිපි ගොනුව මගෙ අතට දෙන විට
අහඹු ලෙස අත් ගැටුණු මොහොතක
ඔබට ඒ ගැන වගක් නැතිවට
සීතලයි දවසේම මගෙ අත...
පය පැටලිලා වැටුණු මොහොතේ
නැඟිට ගන්නට වාරු දී මට
ඔබ ඔබේ පාඩුවේ සිටියත්
මහමෙරක් මෙනි අනේ එය මට...
දවසෙ මෙහෙවර නිමා කරමින්
නිදන්නට සයනයට වන් කල
බියක් ඇත මට නෙතු පියන්නට
දකින හැම සිහිනයෙම ඔබ ඇත
අප්රකාශිත ආදරයක් පිළිබඳ තරුණියක සිත උපන් හැඟුම් ව්යංගාර්ථවත් බසකින් පැවසේ. සංක්ෂිප්ත ගුණය රැකගෙන ඇත.
තරුණී සතියේ කවි කුසුම ශ්රී ලංකා ගුවන් විදුලි සංස්ථාවේ සිංහල ස්වදේශීය සේවයේ අඟහරුවාදා ‘ප්රභාතය‘ තුළින් ප්රචාරය වේ. මෙය ප්රියන්තනී ගමගේ යහම්පත්ගේ නිෂ්පාදනයකි.