නුබ ගැබින් ලද අව් වැසි
මඳ මාරුත මතින් පදම් වී
ඇතැම් විට ලිහිල්වත්
විටෙක තද පෘෂ්ඨයක් සෙ,
සවි දරන මිහිකත
පෙණ පිඬු මව මවා
ගලා බැස යන ඇළ දොළ
විචිත්රවත් සළුපිළි දැවටුවා සෙ,
ගං කොමළියන්ගෙන් සුසැදිව
මහ සයුර ද දරා සිටින
අනගි වූ මිහිකත
මනු සත් රජ - සිටු - දිළිඳු
උපත ලැබූ කුරා කුහුඹුවා පටන්
සැමගෙ එක්වන්ව බර දරන
කඳු ශිඛර මහා මේඝවලින්
සැදුම් ලත් මිහිකත
සයුරට දියව යා නොදී
සරු කොට පරිසරය වගාවෙන්
විශ්වය පැවැත්මට දිරි දී
උපත ලද තුරු ලතාවන්
සුරකිනා වූ මිහිකත
මිහිතලය බෙදා ගනුවස්
අසම සම මිලකට උනුනුන්
ගොදුරුවන සියලු පීඩා
නොසැළී, උපේක්ෂාවෙන්
දරා සිටිනා වූ මිහිකත
සැමට එක්වන් උරුම වූ
ලොව උතුම් සම්පත
තිස්තුන් කෝටියක් දෙව් රැකවරණ ලැබ
සැරදෙවා ලොව පවත්නා තෙක්
මා ඇගයූ මිහිකත
වර්ෂ 2024 ක්වූ April 22 වැනිදා Monday