ගල් උල් මුල් කටු පිරි මඟ දුකින් ඉතා
පසුකර පැමිණියෙමි විඳ විඳ විපත් මහා
ඒ විඳි දුක් කරදර කම්කටොලු නිසා
සවිමත් වුණා දිවි ගැල නිසි පරිදි මෙදා
හමුවෙන විවිධ නන් මංමාවත් ඔස්සේ
කිසිදු බියක් නැති දිවිගැල අද පැද්දේ
අතීතයේ විඳි දුක් කරදර මල් සේ
සුවඳ කරනවා දිවි ගැල තිර ලෙසිනේ
විඳ විඳ මල් සුවඳ අද දිවි ගැල පදවා
මහත් තුටින් යන කළ දුක් ගිනි පීඩා
විඳිනා අයව හමුවූ විට මෙත් සිතිනා
තුටින් මල් සුවඳ දෙන්නයි මට ඕනා