රිදී තිරයේ HOUSE FULL

රිදී තිරයේ නවතම චිත්‍රපටය වන ‘හවුස් ෆුල්’ (HOUSE FULL) චිත්‍රපටය දිවයින පුරා ප්‍රදර්ශනය කිරීම ළඟදීම අරඹයි. විනෝදාත්මක චිත්‍රපටයක් ලෙස සැලකෙන මෙම සිනමා නිර්මාණය, පවුලේ සැමට එකට සිට නැරඹිය හැකි ගණයේ චිත්‍රපටයකි.

දෙස් විදෙස් ව්‍යාපාර ක්ෂේත්‍රයේ නිරතව සිටින ප්‍රකට ව්‍යාපාරිකයකු වන මොහාන් පෙරේරා විසින් නිෂ්පාදනය කර ඇති මෙම චිත්‍රපටය අධ්‍යක්ෂණය කර ඇත්තේ සිනමා නිර්මාණ රැසක් මෙරට රිදී තිරයට දායාද කර ඇති ලාල් ප්‍රියදේව විසිනි. මෙම චිත්‍රපටයේ සම නිෂ්පාදනය සුනිල් ටී. ප්‍රනාන්දු සහ ගිහානි වීරසිංහයි. සිංහල සිනමාවේ ඉතා ජනප්‍රිය තරුණ රංගන ශිල්පීන් දෙදෙනකු වන ඉසුරු ලොකුහෙට්ටිආරච්චි සහ චූලක්ෂි රණතුංග ප්‍රධාන චරිත රඟති. ඔවුන්ට අමතරව මෙරට රිදී තිරයේ ප්‍රවීණතම රංගන ශිල්පියකු වන ජීවන් කුමාරතුංගද ප්‍රධාන චරිතයක් නිරූපණය කරයි.

ලකාගේ වාලම්පුරි සිරිලක පුරා

කූඹියෝ  ටෙලි නාට්‍යයේ  අධ්‍යක්ෂකවරයා වූ ලක්මාල් ධර්මරත්නගේ ' වාලම්පුරි ' චිත්‍රපටය පසුගිය 25 වැනිදා  ප්‍රදර්ශනය ආරම්භ විය.

“වාලම්පුරි: හෙවත් හීන හතහමාරක්” යනුවෙන් නම් කොට තිබෙන මෙම නවතම චිත්‍රපටය, මෙරට ජනප්‍රිය නළු නිළියන් රැසකගේ රංගනයෙන් හැඩවී තිබේ. ‘වාලම්පුරියක්’ විකිණීමට උත්හාස දරන පුද්ගලයින් කිහිප දෙනෙකු සහ ඔවුන්ගේ උපාය වැරදීමත් සමඟ මුහුණ දෙන්නට සිදුවන අනපේක්ෂිත සිද්ධිදාමය වටා මෙම සිනමාපටය නිර්මාණය වේ.

මෙහි කතාව සහ තිර පිටපත ද කූඹියෝ ටෙලි නාට්‍යය රචනා කළ දමිත චන්ද්‍රසිරි විසිනි.

“වාලම්පුරි” සිනමාපටයෙහි ප්‍රධාන චරිත සඳහා රංගනයෙන් දායක වන්නේ ප්‍රියන්ත සිරිකුමාර – දිල්හානි ඒකනායක – සරත් කොතලාවල – තුමිඳු දොඩන්තැන්න – වසන්ත මොරගොඩ – අශාන් ඩයස් – අංජන ප්‍රේමරත්න – ඇන්ඩෘ පුල්ලේ – උදයන්ති කුලතුංග වැනි මෙරට සිනමාවේ අත්දැකීම් බහුල නළු නිළියන් පිරිසකි.

තුමිඳු දොඩන්තැන්න මීට පෙර කූඹියෝ ටෙලි නාට්‍යමාලාවේ ප්‍රධාන චරිතයකටත් පණ පෙවූ අතර පසුගිය දිනෙක දිවි ගමනින් සමුගත්, දක්ෂ රංගන ශිල්පියෙකු වූ දර්ශන් ධර්මරාජ් ද “වාලම්පුරි” සිනමාපටයෙන් දැකගත හැකියි.

චිත්‍රපටයේ විධායක නිෂ්පාදනය අසංක දොඩන්තැන්න – ප්‍රදීප් පෙරේරා විසිනි.

නිර්මාණකරණයෙන් එක්වන්නේ නසාෆි මොහොමඩ්ය. තරිඳු කාරියවසම් සහාය සංස්කරණයෙන් සහ චාමර සේලාර සහාය අධ්‍යක්ෂණයෙන් එක්වූහ. දිමුතු කාලිංග දහනායක සහ මජිත් උයන්ගොඩ වාලම්පුරි සිනමාපටයේ කැමරාකරණයෙන් සහාය වන අතර අතුල ජයසිංහ ශබ්ද පරිපාලනයෙන් සම්බන්ධ වේ.

අංජන ආශුබෝධ මෙහි නිෂ්පාදන කළමනාකරුයි. චිත්‍රපටයේ විධායක නිෂ්පාදනය උදාර අබේසුන්දර සහ ප්‍රිමාල් රණසිංහ එකතුවෙනි.

Lyca Group  දෙමළ ගීත රචක පොතුවිල් අස්මින්ගේ ඉංග්‍රීසි චරිතාපදානය එළිදක්වයි

ශ්‍රී ලංකාවේ ප්‍රමුඛ පෙළේ දෙමළ කවියෙකු මෙන්ම ප්‍රකට චිත්‍රපට ගීත රචකයෙකු වන පොතුවිල් අස්මින්ගේ ජීවිත කතාව  ඉංග්‍රීසි චරිතාපදානයක ලේඛනගත කර ඇත.

"POTTUVIL ASMIN: From Pottuvil to the World - A Global Tamil Voice".  ගෝලීය දෙමළ ප්‍රජාව සඳහා සැලකිය යුතු සාහිත්‍ය සන්ධිස්ථානයක් සනිටුහන් කරමින් මෙම පොත Amazon Kindle හරහා නිල වශයෙන් එළිදක්වන ලදී. ග්‍රන්ථ එළිදැක්වීමේ උත්සවය  පසුගියදා චෙන්නායිහිදී පැවැත්විණි.  Lyca Group හි සභාපති Allirajah Subaskaran මහතා, Lyca Health හි සභාපති වෛද්‍ය Prema Subaskaran මහතා සහ Lyca Productions හි ප්‍රධාන විධායක නිලධාරී GKM තමිල් කුමාරන් මහතා විසින් චරිතාපදානය සාමූහිකව එළිදක්වන ලදී.පොතුවිල් අස්මින් දමිළ සිනමාවේ ප්‍රසිද්ධියට පත් වූයේ "නාන්" චිත්‍රපටයේ සංගීත අධ්‍යක්ෂක සහ නළු විජේ ඇන්ටනි විසින් රචනා කරන ලද ඔහුගේ පළමු ගීතය වන "තප්පැල්ලම් තප්පේ ඉල්ලයි" හරහාය.  කලා, සාහිත්‍ය, මාධ්‍ය සහ සිනමා යන ක්ෂේත්‍ර සඳහා වසර 27 කට වැඩි දායකත්වයක් ලබා දී ඇති අස්මින් සමකාලීන දෙමළ නිර්මාණශීලීත්වයේ වැදගත් හඬක් ලෙස ස්ථාපිත වී ඇත. ඔහුගේ වඩාත්ම සුවිශේෂී  නිර්මාණයක් වන "අයියෝ සාමි නී එනක්කු වේනම්", ශ්‍රී ලංකාවේ මෙතෙක් නිෂ්පාදනය කරන ලද වැඩිම පිරිසක් නරඹන ලද දෙමළ ගීතය බවට පත් වූ අතර, ඔහුගේ පුළුල් ආකර්ෂණය සහ සංස්කෘතිකත්වය ඉස්මතු කරයි. ජාතික හා ජාත්‍යන්තර සම්මාන 30කට අධික සංඛ්‍යාවක් සමඟින් පොතුවිල් අස්මින් දෙමළ කවියට සහ ගීත රචනයට ඔහු කළ ගෝලීය බලපෑම අගයමින් කාම්බෝජ කලා හා සංස්කෘතික අමාත්‍යාංශය විසින් කීර්තිමත් “ජාත්‍යන්තර කවියරසු කන්නඩසන් සම්මානය” පිරිනමන ලදී.

ඉතා මෑතක දී, ශ්‍රීකාන්තදේව විසින් රචනා කරන ලද සහ මුල්ලෙයි සසි විසින් ගායනා කරන ලද "මුත්තකන්නි" දමිළ ඇල්බම ගීතයේ ඔහුගේ පද රචනය

ශ්‍රීධර්මාස්ටර් සහ Gayathri San, එක්සත් ජනපදයේ 2025 ජාත්‍යන්තර ගායක ගායිකා-ගීත රචකයින්ගේ සංගමයේ (ISSA) සම්මාන සඳහා ප්‍රධාන කාණ්ඩ දෙකකින් හොඳම වීඩියෝ ගීතය සහ හොඳම ගීත රචකයා  නම් කර ඇත.

අලුතින් නිකුත් කරන ලද මෙම චරිතාපදානය පොතුවිල් අස්මින්ගේ නිහතමානී ගමන පොතුවිල් හි සිට බලගතු ගෝලීය දෙමළ හඬක් බවට පත්වීම දක්වා වූ පරිවර්තනීය ගමන ඇතුළත් කරයි.  ජාත්‍යන්තර තලයේ දෙමළ සාහිත්‍යය, සිනමාව සහ සංස්කෘතිය වෙනුවෙන් ඔහු කළ සදාතනික දායකත්වය පිළිබඳ ප්‍රබල සාක්ෂියක් ලෙස මෙම පොත පවතී.

[email protected]

[email protected]